भक्तिविलास पोखरेल
गाईघाट,माघ ४ । उदयपुर जिल्लाको उदयपुरगढी गाउँपालिका वडा नं ७ अधेरीस्थित मदन भण्डारी लोकमार्गमा आइतबार अपरान्ह भएको सवारी दुर्घटनामा परी चालक र सहचालकको मृत्यु भएको छ ।
जिल्ला प्रहरी कार्यालय उदयपुरका प्रहरी प्रमुख प्रहरी उपरीक्षक राजन चापागाइका अनुसार पश्चिम कटारीबाट पूर्व गाईघाटतर्फ आउँदै गरेको बागमती प्रदेश ०६–०१ ख ०५०५ नम्बरको ट्रक आफैँ अनियन्त्रित भई सडकबाट करिब ५० मिटर तल अधेरी खोलामा खसेर दुर्घटना भएको हो । सो दुर्घटनामा गम्भीर घाइते भएका चालक र सहचालकलाई उपचारका लागि जिल्ला अस्पताल गाईघाट ल्याइए पनि अस्पतालले दुबै जनाको मृत्यु भएको घोषणा गरको प्रहरी उपरिक्षक चापागाईले बताउनुभयो । हालसम्म मृतक चालक तथा सहचालक दुवै जना पुरुषको सनाखत हुन नसकेको र दुर्घटनाको सम्बन्धमा थप अनुसन्धान भइरहेको प्रहरीले जनाएको छ ।
बिज्ञापन
