गाइधाट ४ चैत ।
उदयपुरको उदयपुरगढी गाँउपालिका वडा नं. ६ कटारी चोकमा सवारी दुर्घटना हुदा एक जनाको मृत्यु भएको छ । जिल्ला प्रहरी कार्यालय उदयपुरका प्रमुख प्रहरी उपरिक्षक राजन चापागाईका अनुसार गाईघाटबाट कटारी तर्फ जादै गरेको बागमती प्रदेश ०३-००५ प ८६०० नं. को मोटरसाईकललाई कटारीबाट गाईघाट तर्फ आउदै गरेको बा ४ ख १४०९ नं. को टिपरले ठक्कर दिद सो दुर्घटना भएको हो । दुर्घटनामा मोटरसाईकल चालक जिल्ला खोटाङ बराहपोखरी गाँउपालिका वडा नं. ५ बस्ने वर्ष अ. ३० को भुपाल राई गम्भीर घाइते भएकोमा जिल्ला अस्पताल उदयपुरमा ल्याई उपचार गराउने क्रममा मृत्यु भएको सोही अस्पतालका चिकित्सकले जानकारी दिएको उहाले बताउनु भयो । दुर्घटनामा संलग्न सवारी साधनहरु अस्थाई प्रहरी पोष्ट नेपालटारको नियन्त्रणमा रहेको छ। घटना सम्बन्धमा थप अनुसन्धान तथा टिपर चालकको खोजतलास भईरहेको छ ।
बिज्ञापन
