भक्तिविलास पोखरेल । गाईघाट
गाईघाट मङ्सिर १६ । उदयपुरका दुई स्थानीय तहको दुईवटा वडामा आईतवार शान्तिपूर्ण वातावरणमा मतदान सम्पन्न भएको छ । त्रियुगा नगरपालिका वडा नं १२ र वेलका नगरपालिका वडा नं ९ को रिक्त वडा अध्यक्ष पदका लागि गरिएको उप निर्वाचनमा ६५ प्रतिशत मतदान भएको छ ।
उदयपुरका मुख्य निर्वाचन अधिकृत दिपककुमार खरेलका अनुसार तीनहजार एकसय ३६ मतदाता रहेको बेलका ९ मा एकहजार आठसय ८६ अर्थात ६० प्रतिशत मत खसेको छ भने तीनहजार आठसय ४७ मतदाता रहेको त्रिनपा १२ मा दुईहजार पाँचसय २७ मत अर्थात ६५ प्रतिशत मत खसेको छ ।
