भक्तिविलास पोखरेल
गाईघाट, २२ जेठ । मदनभण्डारी लोकमार्ग अन्तर्गत उदयपुरको त्रियुगा नगरपालिका वडा नं १ फुलजोरमा टिपरको ठक्करबाट मङ्गलवार दुई जनाको मृत्यु भएको छ । सदरमुकाम गाईघाट बाट पूर्व तर्फ जाँदै गरेको मोटरसाइकललाई बिपरित दिशाबाट आएको टिपरले ठक्कर दिंदा मोटारसाईकलमा दुईजनाको घटना स्थलमै मृत्यु भएको प्रहरीले जनाएको छ ।
जिल्ला प्रहरी कार्यालय उदयपुरका प्रहरी प्रमुख प्रहरी उपरीक्षक रमेश थापाका अनुसार गाईघाटबाट बेल्टार तर्फ जाँदै गरेको प्र १–०२–०५२ प ३९५८ नम्बरको मोटरसाइकलमा सवार रामधुनी नगरपालिका सुन्सरी घर भई त्रियुगा नगरपालिका वडा नं ११ बस्ने ३० बर्षका रविन श्रेष्ठ र त्रियुगा नगरपालिका वडा नं ३ चाँप बस्ने २४ बर्षकी हिरा राईलाई बिपरित दिशाबाट आएको प्र १–०२– ००१ ख ८५१४ टिपरले ठक्कर दिदा दुबै जनाको घटना स्थलमै मृत्यु भएको हो ।
मृतक श्रेष्ठ र राईको शव पोष्टमार्टमका लागि जिल्ला असपतालमा राखिएको तथा ठक्कर दिने टिपर र सवारी चालक प्रहरीको नियन्त्रमा रहेको र दुर्घटनाका सम्बन्धमा थप अनुसन्धान भइरहेको पनि उदयपुरका प्रहरी प्रमुख थापाले बताउनुभयो । घटनाको प्रत्यक्षदर्शि स्थानीय सर्मिला कार्कीका अनुसार टिपरको अघिल्लो चक्काले श्रेष्ठ र पछिल्लो चक्काले राइृलाई किच्याउदा उहाँहरुको एकैसाथ ज्यान गएको हो ।
