भक्तिविलास पोखरेल
गाईघाट,जेठ ४ । काठमाडौ तराई मधेस दु्रतमार्ग सडक आयोजना अन्तर्गत लेन डाँडा सुरुङ मार्गको शुक्रवार ब्रेक थ्रु भएको छ । राष्ट्रि गौरवको सो आयोजना नेपाली सेनाको ब्यवस्थापनमा निर्माण कार्य हुदै आएको छ ।
सो आयोजनाको प्याकेज नं २ अन्तर्गत मकवानपुर जिल्लाको बकैया र गढी गाउँपालिका क्षेत्रमा निर्माणाधीन एकहजार ६३३ मिटर लामो दुईवटा सुरुङमार्ग मध्ये एउटाको बे्रक थ्रु भएको नेपाली सेनाको जनसम्पर्क तथा सूचना निर्देशनालय जङ्गी अड्डाले जनाएको छ । दु्रतमार्गको निर्माणधीन अर्काे सुरुङमार्गको पनि निकट भविष्यमा एक विशेष कार्यक्रमसहित बे्रक थ्रु गरिने सूचना निर्देसनालयले जनाएको छ ।
