गाईघाट भदौ २ ।
चार्जमा राखेको मोवाइल चलाउदा करेन्ट लागेर उदयपुरमा शनिवार एक ब्यक्तिको मृत्यु भएको छ । जिल्लाको उदयपुरगढी गाउँपालिका वडा नं ७ चम्पेडाा निवासि ६८ वर्षिय ओमानसिंह भुजेलको करेन्टलागेर मृत्यु भएको प्रहरीले जनाएको छ ।
सुतेकै ठाउमा भुजेलको मृत्यु भएको खवर प्राप्तहुनासाथ घटनास्थल पुगेको प्रहरी टोलिले हेर्दा चार्जमा रहेको अवस्थामा मोवाईल चलाउदा त्यसैबाट करेन्ट लागि निजको मृत्यु भएको प्रारम्भिक अनुसन्धानबाट खुल्न आएको उदयपुरका प्रहरी प्रमुख प्रहरी उपरिक्षक ज्ञानेन्द्र फुयालले बताउनुभयो ।
