भक्तिविलास पोखरेल
गाईघाट,असार १० गते । चारवटा नगरपालिका र चारवटा गाउँपालिका गरी आठवटा स्थानीय तहहरु रहेको उदयपुर जिल्लाका सातवटा पालिकाले मङ्गलवार आर्थिक वर्ष २०८२।०८३ लागि अनुमानित आय ब्यया तथा नीति कार्यक्रम सार्वजनिक गरेकाछन ।
आआप्mनो पालिकाको भूगोल,जनसङ्ख्या र आवश्यक्ताका आधारमा कृषि,शिक्षा,स्वास्थ्य,पूर्वाधार निर्माण,पर्यटन विकास र सामाजिक सुरक्षासँग सम्बन्धित कार्यक्रमहरुलाई मुख्य प्राथमिकतामा राखेर बजेट तथा कार्यक्रम प्रस्तुत गरिएको छ । पालिकाहरुले आआप्mनो अर्थिक गक्ष अनुसार श्रोत परिचालन र राजश्व सङ्कलनको लागि करको दररेटसमेत निर्धारण गरेर बजेट सार्वजनिक गरेकाछन ।
जस अनुसार जिल्लाको सदरमुकाममा रहेको त्रियुगा नगरपालिकाको १५ औं नगरसभामा नगर प्रमुख वसन्तकुमार बस्नेतले आर्थिक वर्ष २०८२÷०८३ को नीति तथा कार्यक्रम सार्वजनिक गर्दै भौगोलिक र साँस्कृतिक रुपमो विविधत भएको यस नगरको समग्रविकासका लागि नीति तथा कार्यक्रम सार्वजनिक गरिएको हो भन्नुभयो ।
नगर प्रमुख बस्नेतले प्रस्तुत गरेको नीति तथा कार्यक्रमलाई कार्यन्वयन गर्न नगर उप प्रमुख महेश्वरी राईले नगरपालिकाको आर्थिक वर्ष २०८२÷८३ को लागि एकअर्व ५३ करोड ३४ लाख ५९ हजारको अनुमानित बजेट प्रस्तुत गर्नु भएको छ । उप प्रमुख राइले प्रस्तुत गरेको बजेटमा पुजीगत तर्फ ८८ करोड ९४ लाख ६ हजार २ सय २० रहेको छ भने र चालु तर्फ ६४ करोड ४० लाख ५२ हजार ७ सय ८० रुपैया बजेट बिनियोजन गरिएको छ ।
यसैगरी कटारी नगरपालिकाका नगर प्रमुख राजेशचन्द्र श्रेष्ठले ८७ करोड ६५ लाख, चौदण्डिगढी नगरपालिकाका नगर प्रमुख कालुमान लामाले एक अर्व १३ करोड ४५ लाख ४१ हजार रुपियाँको बजेट सार्वजनिक गर्नुभएको छ । उदयपुरगढी गाउँपालिकाका अध्यक्ष मानवहादुर मगरले ६८ करोड र रौतामाई गाउँपालिकाका अध्यक्ष विरेन्द्र मगरले ६६ करोड ९९ लाख रुपियाँको अनुमानित बजेट प्रश्तुत गर्नुभएको छ ।
ताप्लि गाउँपालिकाका अध्यक्ष ढुङ्गराज विकले करिव ४५ करोड र लिम्चुङ्बुङ गाउँपालिकाका अध्यक्ष मेजरकुमार राईले करिव ४० करोड रुपियाँको बजेट प्रश्तुत गर्नुभएको सो पालिकाले जनाएको छ । छ । उता उदयपुरको बेलका नगरपालिकाले भने आन्तरिक तयारी गर्नमा ढिलाई गरेको भन्दै बजेट सार्वजनिक गर्न सकेको छैन ।
