भक्तिविलास पोखरेल
गाईघाट, 3 माघ । “आजको युवा, नशा विरुद्धको योद्धा“ भन्ने मुला नारा सहित उदयपुरको चौदण्डीगढी नगरपालिकाका युवाहरुले लागु औषध दुव्र्यसनी रोक्न एक महिने सचेतना अभियान सुरु गरेका छन ।
चौदण्डीगढी नगरपालिकाको बेल्टार बजारस्थित बसपार्कमा एक कार्यक्रमको आयोजना गर्दैे नगर प्रमुख कालुमान लामाले एक महिने सो अभियानको सुभारम्भ गर्नुभएको हो । स्थानीय सुर्योदय सुधार केन्द्र, चौदण्डीगढी रिकभरी टिम र क्लिन एण्ड ग्रीन सिटि बेल्टारले संयुक्त रुपमा सो अभियान सञ्चालन गरेकाछन ।
अभियान अन्तर्गत युवाहरुले लागू पदार्थ दुव्र्यसनी विरुद्ध नगर भित्रका टोल–टोल र बस्ति बस्तिमा पुगेर सम्पूर्ण अभिभावक तथा १३ बर्ष देखि १९ बर्ष उमेर समुहका किशोर किशोरीहरुसँग अन्तक्र्रिया र सचेतना अभियान सञ्चालन गर्नेछन ।
यस १ महिने अभियान मार्फत कुलतमा फसेकाको उध्दार तथा दुव्र्यसनी न्युनिकरणका लागि महत्वपूर्ण सफलता हाँसिल गर्ने अपेक्षा गरिएको क्लिन एण्ड ग्रीन सिटि बेल्टारका प्रमुख बिदुर राईले जानकारी दिनुभयो ।
कार्यक्रमको उद्घाटन गर्दै मेयर लामाले “सभ्य समाज निर्माणका लागि सबैको उत्तिकै भूमिका हुने बताउनुभयो । लागूऔषध दुव्र्यसनी रोक्ने कार्यमा सबै पक्षबीच सहकार्यको खाँचो रहेको भन्दै यो अभियान सफल बनाउन नगरपालिकाले सबै खाले भूमिका निर्वाह गर्न कुनै कसर बाँकि नराख्ने बताउनुभयो । ”
नगर प्रमुख लामाले दुव्र्यसनले समाजलाई कुनै पनि समय दुर्घटनामा लैजाने भन्दै सभ्य समाज निर्माण गर्न यसलाई न्यूनीकरण गर्दै पूणृ रुपमा नियन्त्रण गर्नुपर्ने बताउनुभयो । यस अभियानले दुव्र्यसनले निम्त्याउने घटनामा समेत न्यूनिकरणमा सहयोग पुग्ने र असल समाजको स्थापना गर्न महत्वपूर्ण भूमिका निर्वाह गर्ने कार्यक्रमका सहभागीहरुले बताएकाछन ।
