त्रियूगा न्यूज भदौ २९
जिल्ला प्रहरी कार्यालय उदयपुरले मानव बेचविखन तथा ओसार पसारमा संलग्न रहेको आरोपमा तीन जनालाई पक्राउ गरेको छ ।
जिल्ला प्रहरी कार्यालयका प्रहरी नायव उपरिक्षक हरिनन्दन चौधरीका अनुसार गाईघाटबाट एक १५ वर्षिया बालिकालाई मोटरसाइकलमा पछाडि राखेर सिरहा जिल्लाको लहानतर्फ लादै गरेको अवस्थामा लाहन नगरपालिका १९ वस्ने २८ वर्षिय सतिसकुमार यादवलाई पक्राउ गरिएको हो ।
निजले ती बालिकालाई प्रदेश ३–०२–२२ प ५०१० नम्बरको मोटरसाइकलमा राखेर सिमा पारतिर लैजादै गरेको अवस्थामा फेला पारी पक्राउ गरिएको प्रहरीले जनाएको छ । यस घटनामा संलग्न रहेको आरोपमा त्रियुगा नगरपालिका वडा नं १० स्थित ब्रोदर्श रेस्टुरेन्टको मालिक २७ वर्षिय अनिल सिवासमेत दुईजनालाई पनि पक्राउ गरी अदालतबाट म्याद लिएर थप अनुसन्धान भइरहेको प्रनाउ चौधरीले बताउनुभयो ।
