भक्तिविलास पोखरेल । गाईघाट
गाईघाट २५ माघ । उदयपुरका दुई छुट्टाछुट्टै सामुदायिक विद्यालयको शैक्षिक गुणस्तरमा बृध्दि र कक्षा स्तरन्नोति गर्ने उदेश्यले त्रियुगा नगरपालिका वडा नं २ स्थित मोतियाही सामुदायिक वन उपभोक्ता समुहले १५ लाख रुपियाँ आर्थिक सहयोग उपलब्ध गराएको छ ।
सो सावउसले वन पैदवारबाट समुहमा जम्माहुन आएको रकममध्ये आप्mनो सेवा क्षेत्रभित्र रहेका र गरिव तथा विपन्न बालबालिकाहरु अध्ययन गर्ने स्थानीय जनता आधारभूत विद्यालय मोतियाही र लक्ष्मिपुर माध्यमिक विद्यालय पोर्ताहालाई सो परिमाणको रकम उपलब्ध गराएको हो ।
हाल कक्षा ८ सम्म मात्र अध्ययन हुदै आएको जनता आधारभूत विद्यालय मोतियाहीलाई अपग्रेड गरी आगामि शैक्षिक सत्र २०८२ बाट कक्षा ९ र अर्काे वर्ष १० सम्मको पठनपाठन गर्न थप सहयोग पुर्याउने उदेश्यले सो विद्यालयमा एक अक्षयकोष स्थापनार्थ १० लाख रुपियाँ दिइएको सामुदायिक वन उपभोक्ता समितिका अध्यक्ष रामश्रेष्ठ चौधरीले बताउनुभयो ।
यसैगरी सोहि विद्यालयमा विभिन्न कक्षामा अध्ययनरत ३५० जना अति विपन्न बालबालिकालाई चारलाख ५० हजार मूल्यको ट्र्याकसूट तथा न्यानो कपडा पनि वितरण गरीएको अध्यक्ष चौधरीले बताउनुभयो । सो अवसरमा विद्यालयको चेक बुभ्mदै प्रधानाध्यापक भोगनारायण अयादवले प्राप्त रकम अक्षय कोषमा जम्मा गरिने र त्यसबाट आउने ब्याजबाट मात्र विद्यालयको शिक्षण सिकाई क्रियाकलापमा खर्च गरिने बताउनुभयो ।
यसैगरी अर्काे आधारभूत विद्यालय कक्ष्मिपुर माविलाई विद्यालयमा साँङ्गितिक कार्यक्रमहरु सञ्चालनार्थ आवश्यक पर्ने विभिन्न वाध्यवादनका सामग्रीहरु किन्नको लागि ५० हजार रुपियाँको चेक दिइएको उहाँले बताउनुभयो । मोतियाही सामुदायिक वन उपभोक्ता समितिको नव निर्मित भवन उद्घाटन समारोहका अवसरमा ती दुई विद्यालयलाई उक्त सहयोग दिइएको हो ।
सैबीच २६ लाख ५९ हजार रुपियाँको लागतमा हालै निर्माण सम्पन्न भएको मोतियाही सामुदायिक वन उपभोक्ता समितिको नव निर्मित चारकोठे एकतले पक्कि भवनको डिभिजन वन कार्यालय गाईघाटका वन अधिकृत रामभक्त यादवले उद्घाटन गर्नुभएको छ ।
आफुनो स्थायी भवन नहुदा यस अघि असहज ढङ्गले कामकाज गर्दै आएकोमा भवन उद्घाटन भएपछि आजैबाट सो नव निर्मित भवनमार्फत सामुदायिक वन उपभोक्ता समितिको कार्यालय सञ्चालन गर्न शुरु गरिएको सो सावउसका कार्यालय सचिव प्रदिप पोखरेलले बताउनुभयो । आठसय घरधुरी उपभोक्ता रहेको सो सामुदायिक वनले आगामि २०८२ सालबाट आप्mना उपभोक्ताहरुको एक लाखको जीवन विमा गर्ने तयारी गरेको पनि कार्यालय सचिव पोखरेलले बताउनुभयो