भक्तिविलास पोखरेल गाईघाट,जेठ १६ । नेपाली सेनाले सञ्चालन गरेको सफा हिमाल अभियान अन्तर्गत आठहजार मिटरभन्दा माथिको सगरमाथा क्षेत्रबाट दुईवटा मानव शव निकालेर फरेन्सि परिक्षणका लागि बुधवार त्रिवि शिक्षण अस्पताल महाराजगन्ज काठमाडौमा बुझाएको छ । शैनिक जनसम्पर्क तथा सूचना निर्देशनालयका अनुसार सो अभियानमा सहभागि नेपाली सेनाको टोलीले सगरमाथा हिमालको आठहजार चारसय ३० मिटर उचाइमा रहेको बाल्कोनी ईलाका र सातहजार नौसय मिटरको उचाइमा अवस्थित ल्होत्से क्याम्प चौथो इलाकाबाट वेवारिसे अवस्थामा रहेका ती दुईवटा मानव शव बरामद गरी थप प्रक्रियाको लागि हवाई साधनबाट काठमाडौ लगेर शिक्षण असपतालमा बुझाएको हो । यस वर्षको सफा हिमाल अभियान अन्तर्गत हालसम्म सगरमाथा,ल्होत्से र नुप्से हिमालबाट ११ हजार किलोग्राम फोहर,चारवटा मानव शव तथा केहि मान अस्थिपञ्जर सङ्कलन तथा ब्यवस्थापन गरीएको नेपाली सेनाले जनाएको छ । गएको वैशाख २ गते काठमाडौबाट प्रस्थान गरेको नेपाली सेनाको सो टोली वैशाख ९ गते सगरमाथा आधार शिविरमा पुगेकोथियो । यहि जेठ २३ गते विश्व वातावरण दिवसका दिन समापन गरिने यस वर्षको सफा हिमाल अभियानले विश्वव्यापी चुनौतिको रुपमा रहेको वातावरण प्रदुषण तथा विश्व तापमानको असरलाई न्यून गर्न सचेतना फैलाउने तथा हिमालहरुमा थुप्रिएको फोहोर हटाउन सहयोग पुग्ने विस्वास लिइएको नेपाली सेनाले जनाएको छ ।